Description
Heimsmissión
Hoyrir tú rópini frá teimum har úti.
Liggið ikki á boðunum.
Síðstu orðini, Hann segði við teir, áðrenn Hann fór frá teimum á fjallinum, fyri brátt 2000 árum síðani vóru hesi: ,,Farið út í allan heimin og prædikið evangeliið fyri øllum skapninginum!” Mark. 16:15
Aftur og aftur eru hesi orð endurtikin upp gjøgnum øldirnar. Fyrstu ferð tey ljóðaðu – vóru tað umleið 175 milliónir menniskju á jørðini – í dag skjótt 2000 ár seinni – eru vit farin upp um 5 milliardir!!! Vóru boðini aktuel tá, so eru tey so sanniliga eisini aktuel í dag. Hvat ætla vit at gera við boðini? Hvørja endatíðar ætlan fyri innheystingina hava vit?
Hoyra vit rópini frá teimum har úti? Hoyra vit grátin og eymkanina frá ótaldum milliónum av menniskjum, ið liva í svartasta heiðinskapi uttan nakran frelsara?
